Parchè venessia?
Parchè no se sa più rider de gusto?
Parchè se se varda ma no se se vede?
Percossa se crede che “star su le nostre”
Sia giusto?
Parchè no parlemo co i nostri vissini
Percossa i bambini che zoga pei campi
Sfrenai, rumorosi, ga i oci pensosi?
Percossa sti marmi no ga più memoria,
più gnente ne dise, e co la vernice
par dir do monae, sporchemo la storia?
Parchè el gondolier sta de casa a Malghera
E’l rico foresto se gode sta tera?
Percossa ste acque , un dì rispetae,
xe adesso percosse, sbatue, inquinae?
E dime percossa le arti e i mestieri
Che vita ghe dava a tuti i sestieri
Xe quasi sparii?
El fero cantava fra incudine e massa
Prodotti de orto vendevase in passa
Co sgurbie e scarpei se fava cornise
A man gera fate, co amor, le camise
E quando ti geri ancora sopia
Ligava el bragosso a la pescaria
E za se sentiva vegnir da lontan
E spandarse intorno ‘l profumo del pan
Parchè no se sa più rider de gusto?
Parchè se se varda ma no se se vede?
Percossa se crede che “star su le nostre”
Sia giusto?
Parchè no parlemo co i nostri vissini
Percossa i bambini che zoga pei campi
Sfrenai, rumorosi, ga i oci pensosi?
Percossa sti marmi no ga più memoria,
più gnente ne dise, e co la vernice
par dir do monae, sporchemo la storia?
Parchè el gondolier sta de casa a Malghera
E’l rico foresto se gode sta tera?
Percossa ste acque , un dì rispetae,
xe adesso percosse, sbatue, inquinae?
E dime percossa le arti e i mestieri
Che vita ghe dava a tuti i sestieri
Xe quasi sparii?
El fero cantava fra incudine e massa
Prodotti de orto vendevase in passa
Co sgurbie e scarpei se fava cornise
A man gera fate, co amor, le camise
E quando ti geri ancora sopia
Ligava el bragosso a la pescaria
E za se sentiva vegnir da lontan
E spandarse intorno ‘l profumo del pan
Adesso sta epoca ormai xe finia
Parchè?... sistu stanca?
Parchè vecia mia?
Francesco (21 marzo1978)
1 commento:
No so spiegarte el parhé de tute le to domande, ansi le ze domande che me fasso anca mi: e alora me invade la tristessa. Forse la ze nostalgia. . . o forse co sti oci veci no semo più boni de veder che el mondo ride ancora..Epùr qualche volta me vedo puteo.. . ai giardini Papadopoli che gera el mw regnoM Ma ganca là no vedo più sbarassini come che gerimo nialtr.
Posta un commento